ಆಸಕ್ತಿಯ ಸ್ಥಳಗಳು

ಗುರುನಾನಕ್ ಝೀರಾ, ಬೀದರ

ಗುರುದ್ವಾರ ಬೀದರ ಸಿಖ್ಖರ ಪವಿತ್ರ ಸ್ಥಳಗಳಲ್ಲೊಂದಾಗಿದೆ. ಈ ಸ್ಥಳವು ಪ್ರತಿ ವರ್ಷವೂ ದೇಶದ ನಾನಾ ಭಾಗಗಳಿಂದ ಪ್ರವಾಸಿಗರನ್ನು ಆಕರ್ಷಿಸುತ್ತದೆ. ವಿಶೇಷವಾಗಿ ನವೆಂಬರ್ ಮತ್ತು ಮಾರ್ಚ್ ತಿಂಗಳಲ್ಲಿ ಆಗಮಿಸುತ್ತಾರೆ. ಸ್ಥಳೀಯ ಐತಿಹ್ಯದ ಪ್ರಕಾರ ಗುರುನಾನಕರು ಇಲ್ಲಿಗೆ ಭೇಟಿಕೊಟ್ಟಾಗ ಜನರು ಕ್ಷಾಮದಿಂದ ಬಳಲುತ್ತಿದ್ದರು. ಸ್ಥಳೀಯರ ಅಳಲನ್ನು ಆಲಿಸಿದ ಗುರುನಾನಕರು ಪವಾಡದ ಮೂಲಕ ತಮ್ಮ ಕಾಲಿನಿಂದ ಕಲ್ಲನ್ನು ಸರಿಸುವುದರೊಂದಿಗೆ  ಕೆಂಪುಬಂಡೆಯೊಳಗಿನಿಂದ ನೀರು ಚಿಮ್ಮುವಂತೆ ಮಾಡಿದರು. ಈ ದಿನದವರೆಗೂ ಸ್ಫಟಿಕಸ್ಪಷ್ಟ ನೀರು ಹರಿಯುತ್ತಿದೆ. ಈ ನೀರನ್ನು ಕುಡಿಯುವುದರಿಂದ ಅನೇಕ ಕಾಯಿಲೆಗಳನ್ನು ಗುಣಮುಖವಾಗುವುದೆಂಬ ನಂಬಿಕೆಯಿದೆ.

ಬೀದರಿನಲ್ಲಿರುವ ಪಾಪನಾಶ ಶಿವ ದೇವಾಲಯ

ಸ್ಥಳೀಯ ಸಾಂಪ್ರದಾಯಿಕ ಮಾತುಗಳ ಪ್ರಕಾರ, ಈ ದೇವಾಲಯದಲ್ಲಿ ಶ್ರೀ ರಾಮನು ಲಂಕೆಯಿಂದ ಹಿಂದಿರುಗಿದ ಸಮಯದಲ್ಲಿ ಸ್ಥಾಪಿಸಿದ ಶಿವಲಿಂಗ ವಿಗ್ರಹವಿದೆ. ಕಣಿವೆಯಲ್ಲಿರುವ ದೇವಾಲಯದ ಸ್ಥಳವು ಕಣ್ಣುಗಳಿಗೆ ಸಮ್ಮೋಹನಗೊಳಿಸುವಂತಿದೆ. ಶಿವರಾತ್ರಿ ಉತ್ಸವದ ಸಮಯದಲ್ಲಿ ಪ್ರವಾಸಿಗರು ಇಲ್ಲಿಗೆ ಭೇಟಿ ನೀಡುತ್ತಾರೆ. ದೇವಾಲಯದ ಮುಂದೆ ಒಂದು ನೈಸರ್ಗಿಕ ಕಾರಂಜಿ ಕೊಳದೊಳಗೆ ಹರಿಯುತ್ತದೆ.

ನರಸಿಂಹಝರಾ(ನೀರು) ಗುಹೆ ದೇವಾಲಯ

ಈ ಸ್ಥಳೀಯರ ನಂಬಿಕೆಯ ಪ್ರಕಾರ ಶಕ್ತಿಯುತವಾದ ನರಸಿಂಹ ದೇವರು ಸುಮಾರು 300 ಮೀಟರ್ ಅಂತರದ ಗುಹೆಯೊಳಗಡೆ ಇದ್ದಾರೆ. ಭಕ್ತರು ದರ್ಶನವನ್ನು ಹೊಂದಲು ಎದೆಯ ಎತ್ತರದ ನೀರಿನಿಂದ ಗುಹೆಯೊಳಗೆ ಕ್ರಮಿಸಬೇಕಾಗುತ್ತದೆ. ಈ ಗುಹೆಯ ಪ್ರವೇಶವು ಮೇಲ್ಛಾವಣಿಯ ಮೇಲೆ ಕುಳಿತಿರುವ ಬಾವಲಿಗಳೊಂದಿಗೆ ರೋಮಾಂಚಕ ಅನುಭವವನ್ನು ನೀಡುತ್ತದೆ ಆದರೆ ಭಕ್ತರಿಗೆ ಅವರು ಯಾವುದೇ ಹಾನಿ ಮಾಡಲಾರವು. ಯುವ ಐಎಎಸ್ ಅಧಿಕಾರಿ ಶ್ರೀ ಎಂ. ಮಹೇಶ್ವರ ರಾವ್ ಅವರು 1999 ರಲ್ಲಿ ಸಹಾಯಕ ಕಮಿಷನರ್ ಆಗಿ ಕಾರ್ಯನಿರ್ವಹಿಸುತ್ತಿದ್ದರು. ಇವರು ದೇವಾಲಯದ ಪ್ರಭಾರವನ್ನು ವಹಿಸಿದ್ದರು. ಇವರ ಮತ್ತು ದೇವಾಲಯದ ಸಮಿತಿಯ ಆಸಕ್ತಿಯಿಂದ ಗುಹೆಯು ಹವಾನಿಯಂತ್ರಿತ ಮತ್ತು ವಿದ್ಯುಚ್ಛಕ್ತಿ ಪಡೆಯಿತು.

ದೇವ್ ದೇವ್ ವನ (ಸಸ್ಯವಿಜ್ಞಾನಕ್ಕೆ ಸಂಬಂಧಿಸಿದ ವನ)

ಬೀದರ ಪಟ್ಟಣದಿಂದ ಬೀದರ ಹೈದರಾಬಾದ್ ಹೆದ್ದಾರಿ ಮೇಲೆ 6 ಕಿಮೀ ದೂರದಲ್ಲಿರುವ ಪರಿಸರ ಪ್ರವಾಸೋದ್ಯಮ ಕೇಂದ್ರವಿದೆ. ಇದನ್ನು ದೇವ ದೇವ ವನ ಎಂದು ಹೆಸರಿಸಲಾಗಿದೆ. ಇಲ್ಲಿ ಎರಡುನೂರಕ್ಕೂ ಹೆಚ್ಚು ಔಷಧೀಯ ಸಸ್ಯಗಳು ಇವೆ. ಈ ವನವು ಸಸ್ಯಗಳ ಅಸಾಂಪ್ರದಾಯಿಕ ದೇವಾಲಯವೆಂದು ನಂಬಲಾಗಿದೆ.

ವೀರಭದ್ರೇಶ್ವರ ಜಾತ್ರಾ ಹುಮನಾಬಾದ್ ಮತ್ತು ಚಾಂಗಲೇರ

ಹುಮನಾಬಾದಿನಲ್ಲಿರುವ ವೀರಭದ್ರೇಶ್ವರ ದೇವಾಲಯ ಮತ್ತು ಚಾಂಗಲೇರಾ ಹಳ್ಳಿಯಲ್ಲಿರುವ ವೀರಭದ್ರೇಶ್ವರ ದೇವಾಲಯ ಇವೆರಡು ಅತ್ಯಂತ ಪುರಾತನ ದೇವಾಲಯಗಳು. ಅನುಕ್ರಮವಾಗಿ ಜನೆವರಿ ಮತ್ತು ನವೆಂಬರ್ ತಿಂಗಳಿನಲ್ಲಿ ಲಕ್ಷಾಂತರ ಭಕ್ತಾದಿಗಳನ್ನು ಆಕರ್ಷಿಸುತ್ತವೆ. ವಾರ್ಷಿಕ ಜಾತ್ರಾ ಮತ್ತು ರಥೋತ್ಸವ  ಜರಗುತ್ತದೆ.  ಕ್ರಿ.ಶ. 1725 ರಲ್ಲಿ ನವೀಕೃತಗೊಂಡ ಹುಮನಾಬಾದಿನಲ್ಲಿರುವ ದೇವಾಲಯವು ಚಲಿಸುವ ಕಂಬಕ್ಕೆ ಹೆಸರುವಾಸಿಯಾಗಿದೆ.

ಹುಮನಾಬಾದಿನಲ್ಲಿರುವ ಮಾಣಿಕಪ್ರಭು ದೇವಾಲಯ

ಮಾಣಿಕಪ್ರಭು ದೇವಾಲಯದ ವಾರ್ಷಿಕ ಉತ್ಸವವು ಡಿಸೆಂಬರ್ ತಿಂಗಳಿನಲ್ಲಿ ಜರುಗುತ್ತದೆ. ಈ ಸಂಧರ್ಭದಲ್ಲಿ ರಾತ್ರಿ ಹೊತ್ತಿನಲ್ಲಿ ಶಾಸ್ತ್ರೀಯ ಸಂಗೀತ ಕಾರ್ಯಕ್ರಮವು ನಡೆಯುತ್ತದೆ. ಇದು ಪ್ರವಾಸಿಗರನ್ನು ಆಕರ್ಷಿಸುತ್ತದೆ. ಈ ವಾರ್ಷಿಕ ಜಾತ್ರಾ ಮಹೋತ್ಸವಕ್ಕೆ ಈ ವರೆಗೆ ಭೀಮಸೇನ್ ಜೋಷಿ, ಜಕೀರ್ ಹುಸೇನ್ ಮತ್ತು ಇತರರು ಆಗಮಿಸಿರುತ್ತಾರೆ.

ಚಿದಂಬರ ಆಶ್ರಮ, ಶ್ರೀ ಸಿದ್ಧಾರೂಢ ಮಠ, (ಗುಂಪಾ) ಬೀದರ.

ಶ್ರೀ ಶಿವಕುಮಾರ ಸ್ವಾಮೀಜಿ ಅವರು ಚಿದಂಬರ ಆಶ್ರಮ, ಶ್ರೀ ಸಿದ್ಧಾರೂಢ ಮಠ, (ಗುಂಪಾ) ಕ್ರಿ.ಶ. 1986 ರಲ್ಲಿ ಸ್ಥಾಪಿಸಿದ್ದಾರೆ. ಶ್ರೀ ಸಿದ್ಧಾರೂಢ ಪ್ರತಿಮೆಯ ಎರಡೂ ಕಡೆಗಳಲ್ಲಿ 12 ಜ್ಯೋತಿರ್ಲಿಂಗಗಳಿವೆ. ಇದು ಬೀದರಿನ ಮನ್ನಳ್ಳಿ ರಸ್ತೆಯಲ್ಲಿರುವ ದೇವಸ್ಥಾನ. ಇದನ್ನು ಗುಂಪಾ ಎಂದೂ ಕರೆಯುತ್ತಾರೆ. ಕಳೆದ ಮೂರು ದಶಕಗಳಿಂದ ಶ್ರೀ ಸಿದ್ಧಾರೂಢ ಮಠ (ಗುಂಪಾ) ಧಾರ್ಮಿಕ, ಶೈಕ್ಷಣಿಕ ಮತ್ತು ಸಾಮಾಜಿಕ ಚಟುವಟಿಕೆಗಳ ಕೇಂದ್ರವೆನಿಸಿದೆ. ಶ್ರೀ ಶಿವಕುಮಾರ ಸ್ವಾಮೀಜಿ ಅವರು ವರ್ಷದ (ಜುಲೈ) ಶ್ರಾವಣ ಮಾಸ, ನವರಾತ್ರಿ, ಮತ್ತು ಪ್ರತಿ ಭಾನುವಾರದ ಸಂಜೆ ಪ್ರವಚನವನ್ನು ನೀಡುತ್ತಾರೆ. ಬಹಳಷ್ಟು ಭಕ್ತರು ಆಧ್ಯಾತ್ಮಿಕ ಹಸಿವನ್ನು ಹಿಂಗಿದ್ದಾರೆ. ಬೀದರನಲ್ಲಿ ಪವಿತ್ರ ಸ್ಥಳಗಳನ್ನು ಭೇಟಿ ಮಾಡುವ ಭೇಟಿದಾರರು / ಯಾವುದೇ ಭಕ್ತರು, ಈ ದೇವಾಲಯಕ್ಕೆ ಭೇಟಿ ನೀಡದಿದ್ದರೆ ಅವರ ಯಾತ್ರೆಯು ಅಪೂರ್ಣವಾಗುತ್ತದೆ. ಭಾರತದ ನಾನಾ ಭಾಗಗಳಿಂದ ಪ್ರತಿವರ್ಷ ಸಾವಿರಾರು ಭಕ್ತರು ಸದ್ಗುರು ಸಿದ್ದಾರೂಢ ಮತ್ತು ಶಿವಕುಮಾರ ಮಹಾಸ್ವಾಮಿಜಿ ಜಯಂತಿ ಆಚರಿಸಲು ಭೇಟಿ ನೀಡುತ್ತಾರೆ. ಈ ಜಯಂತಿಯು ನವೆಂಬರ್ ತಿಂಗಳಲ್ಲಿ ವಿಶೇಷವಾಗಿ ಆಚರಿಸಲಾಗುತ್ತದೆ.